唔經唔覺 黎左加拿大已經四年
當初最重要既入大學既目標叫做達到左
但想話學好英文呢 就真係麻麻地
係MSN 到 我一直將香港認識既朋友同加拿大既分開
今日睇返 竟然加拿大既frd 係短短四年已經多過香港
真係有d諷刺...
的而且確加拿大唔多唔少都改變左我一直內向唔講野既性格
亦真係見到一個更闊更多元化既世界
慢慢 我都真係有認真去睇下d個地方可愛既地方
無錯 加拿大實在太大 大到買個橙都要生長水遠
更莫講話想搵你鐘意既野食...鐘意既地方...或者鐘意既人
但可能係咁 人與人之間既感情變得更可貴
因為有時係d到認識一個人 到混熟 繼而成為朋友 都真係得來不易
唔似係香港 d人多到可以睇唔到條路
漸漸地 我都開始愛上這片土地

今年係第1次同咁多人住埋同一間屋
以前同d 三唔識七既人住 就緊係老死不相往來
而家凡事都要體諒 有d野唔arm都要講到arm
又要同個業住傾d樣 投訴個樣
跟住又間唔中要招呼下人 唔係問功課 就打搞下咁
最經典都係個有H1N1既戊利 係我間房到喪咳
好彩我免疫力唔差 唔係就大檸樂囉

d兩個禮拜真係過得好開心
好多謝3個認識左唔算好耐 但好人到爆燈既朋友
曾經有人同我講過 朋友係用黎互相利用
當時我有好認真咁分析d句說話
睇黎我終於都推翻到了
雖然同佢地一齊都係行街睇戲食飯同第一次用加幣打牌
但係就真係前所未有玩得咁舒服 咁疏乾
能夠唔停咁大笑 大叫 同睇著人地唔睇價錢就買野個種感覺真係爽爆
睇黎入左d間大學既決定都錯唔哂
因為就算功課點忙 能夠有幾個一齊奮鬥 一齊努力既人係左近
就算目標唔一樣 但一定比孤身走路來得更容易
考試時間表已經出左 睇黎又要埋頭苦幹
趁重有機會 GPA 勢要過3爆4!

可是，真正可愛的，不是那一類男人愛的女人，卻是女人愛的女人。

她們才是最有氣質的一群。因為她們不刻意暴露，吸引狂蜂浪媟，也不裝 作可憐，淚眼汪汪，這兩種女人都是豐有攻擊性的。她們有教養，看起來會潔身自愛。雖然聰明，可是也會懂得什麼時候要讓男人出風頭，內斂鋒芒來得到幸福。她 們自愛、堅強、喜歡貓、貪睡、懂得生活、不怕寂寞、心思慎密、溫柔體貼、懂得聆聽、學會照顧。她們的美，像一碗明火熬成的綿綿白粥。甘甜溫暖，沒有炒粉麵 的油膩和酸辣，也不像飯般黏口難炊。她們是最簡單，最可口的一縷明淨的陽光。

能夠將有氣質咁抽象既形容詞, 用粥黎比喻得咁淋離儘致, 寫個個一定都有以上既一大堆條件

但坦白講, 而家可以有以上一成條件既人, 可以話一成都無...

更慘既係買少見少

______________________________________________________________________________________

今日聽架勢堂

有個男人同個拍過拖, 但因為要去外國而被迫分開既女仔表白

坦白講聽到佢既語氣, 同埋識左十年既根基, 真係好難唔成功

再加上佢有份唔錯既正職呢個外在因素, 九成九成功

重點唔係個經濟既差, 同佢份工幾咁穩定, 個女仔去左邊個國家,

我反而好欣賞佢有十成十既把握, 準備工夫做到足, 最後贏得既不單係美人歸

而係其他人被佢既真誠真意打動

一直覺得, 做每件事都應該有把握, 先會有信心, 最後成果亦會同投放既心機成正比

所以成日都唔明有d人想做就做既心態, 或者的確有不妨一試既時候, 但未必次次都如你所想囉

或者始終都習慣凡事從壞個方面睇左先啦, 始終都唔想有太多意料之外發生, 始終我都係我, 根本上無乜點變過